«Laufe het alles», wird immer plagiert,
vo euserem Gmeinroot, ganz ungeniert.
Doch eis fehlt halt doch no, ganz eifach Grandioses,
E Musikspektakel, das wär scho no öppis Famoses.
En Openair im Müsch, das wär doch toll.
Dr Busi verspricht: «D‘Hütte wird voll.»
Dr Piero wird engaschiert, nid aber Plüsch,
für dä Riesealass, das Openair im Müsch.
D‘Roggeburger und d‘Lieschberger chönne dr Busi nid loobe,
au si hei scho än Openair plant – am gliche Obe.
Mir hei halt dr Piero, dä isch e Star,
spöteschtens sit Istanbul isch das allne klar.
«Jetz schaffi dr Durchbruch, jetz starti dure,
i gib alles», seit dr Piero, mit grosser Schnurre.
Zero-Piero, Herr Inferiore, leider nei,
ohni ei Pünktli muess är vo Istanbul wieder hei!
Trotz allem het är dörfe singe am Openair z‘Laufe
und sich voremne grosse Publikum welle verchaufe.
Tuusigi vo Lüt het s‘OK erwartet,
und het dr Vorverchauf ganz gli denn scho gschtartet.
Alles vergäbe – s‘Openair isch i d‘Hose,
fascht niemer het dä Flop welle go lose!
E riese Defizit het s‘OK miesse schriebe,
drum löhts doch im nechschte Joor lieber grad bliebe.
Dä Alass im Müsch schribt sicher kei Gschicht,
das erkennt au eusere Flopen-Air-Bricht.
Fiiret lieber mit eus, uf euserer Bühni,