Fasnacht 2001:
"Beachparty"
Chürzlich bini is Stedtli gloffe.
Zerscht hani dänkt, i sigi bsoffe,
oder i heigi scho der Rinderwahn.
Bim Stadthus studier i no dr Stedtliplan.
Doch, doch i bi scho z Laufe,
do, wo me so tolli Sache cha chaufe!
Wie gseht's denn do uss,
ig chumm eifach nümm druss!
Mini Schueh füllt's mit Sand,
bini do amene Strand?
Z'mitts im Stedtli stoht ä Pool,
dr Brugger Seppi findet das cool.
"Jetzt cha jede go bade,
bevor är chunnt i mi Lade."
Dr Bärewirt macht nit lang,
stellt sini Tisch halt uf ä Sang.
Mängmol fliegt aber ä Ball,
mit emne unheimliche Drall,
sinä Gescht scharf um d' Ohre.
"Das fägt wie ne Mohre",
schreit ein us dr Bar,
"ä Strand i däm Stedtli war doch wunderbar!
Wasser hätte mer jo gnue,
müesste eifach dr Stadtbach uftue".
Dur euses schöne Stedtli miesst me gar nie meh laufe,
mi giengt denn halt alles mit em Boot go iichaufe.
A dr Fasnacht bruchsch au kei Wage me z baue,
du chönntsch mit em Schnällboot dr Stadtbach absause!
Anstatt Seck voll Konfetti umenanger z schiesse,
würd me d'Lüt ganz eifach mit Sand halt begiesse.
Äs chönnt au sii, s'wär doch dr Hit,
dass's bi eus emol en Olympiade git.
Ä Beachturnier mit de Laciga's zLaufe,
do würde mir sofort grad d'Färnsehrächt chaufe.